Ասում են,որ կատարյալ մարդ չի լինում,որ ամենալավ մարդը անգամ ինչ-որ թերություն է ունենում ,ուրեմն «կատարյալ մարդ» հարաբերական իմաստով պետք է հասկանալ: 

Մարդկանց գնահատելիս ես արտաքինը հաշվի չեմ առնում:Երբեմն,անկախ իմ կամքից,ես դա չեմ նկատում:Ինձ համար կարևոր են մարդու դրական հատկանիշները:Կատարյալ մարդը,իմ կարծիքով,պետք է լինի կարդացած,զարգացած,ունենա բազմակողմանի հարուստ գիտելիքներ,լինի բարեկիրթ:Այս բոլորի հետ նա պետք է լինի բարի,ուշադիր՝ շրջապատի մարդկանց նկատմամբ,օգնի թշվառներին,տնանկներին:Իր շահի համար չվնասի ուրիշներին,լինի ազնիվ,մարդամոտ,իրեն բարձր չդասի բոլորից:Եթե հարուստ է օգնի նեղն ընկածներին,միջոցներ տրամադրի ծերերի,երեխաների օգնության համար,ջանք չպետք է խնայի  հանրօգուտ աշխատանքների համար:

Նա պետք է գիտակցի,որ բոլորն էլ իր նման մարդիկ են,պարզապես իրեն հաջողվել է հաջողության հասնել,որ դա իր առավելությունը չէ:Նա իրեն երջանիկ չպետք է զգա,երբ շուրջը տեսնում է համատարաք աղքատություն և թշվառություն: 

Ինչպես տեսնում եք,իմ պատկերացմամբ ամենակատարյալ մարդը չի կարող գոյություն ունենալ,բայց ես երազում եմ,որ լինի :)